{"id":2361,"date":"2019-12-15T22:06:00","date_gmt":"2019-12-15T20:06:00","guid":{"rendered":"https:\/\/www.bistedokter.nl\/?p=2270"},"modified":"2023-01-05T19:56:15","modified_gmt":"2023-01-05T17:56:15","slug":"wrafke-it-paad-bjuster","status":"publish","type":"post","link":"https:\/\/bistedokter.nl\/wrafke-it-paad-bjuster\/","title":{"rendered":"It paad bjuster\u2026"},"content":{"rendered":"\n
Ynienen stie hy foar \u00fas. De man dy\u2019t wy wolris faker th\u00fasbrocht hawwe, om\u2019t hy syn eigen h\u00fbs net wer fine koe. Mar dat wie by ljochtskyndei; no wie\u2019t sa tsjuster as de nacht w\u00eaze kin. Frou skrok d\u2019r suver fan, ikke net fansels. Ik hie him allang yn\u2019e noas. Wy r\u00fbnen de slach om it plak wer\u2019t deade minsken \u00fbnder de gr\u00fbn lizze, want d\u00ear mei ik altiten efkes los omstr\u00fane. De b\u00easte man moat op it bankje sitten hawwe te j\u00fbnpizeljen of sa. Hy hie hielendal net yn\u2019t sin om Frou skrikke te litten. \u201cWat in moaie ferjlochting hat jo h\u00fbntsje om\u2019e hals, nei alle gedachten is dat ek wol wat foar my!\u201d, lake hy. Mei-inoar kuieren wy op nei\u2019t stek, d\u00ear moast ik wer f\u00east oan de line. L\u00e2ns it nijmoadrige caf\u00e9 wer\u2019t ik earder fan tocht dat de man d\u00ear wenne. Hy komt d\u2019r wol faak, sei er. Se skine gjin huppeltsjewetter te skinken, it moat dus in soarte fan Blauwe Tinte w\u00eaze foar minsken dy\u2019t it paad nei h\u00fbs bjuster binne. Ik kin my soks net begripe. At se my de earflappen foar de eagen f\u00eastbine, kin ik it paad nei h\u00fbs blyn noch wol fine. Myn noas bringt my altyd wer\u2019t ik w\u00eaze wol. Dat skynt lykwols by minsken net sa te wurkjen. De man beg\u00fbn Frou \u00fat te lizzen w\u00ear\u2019t hy wol en net l\u00e2ns rinne mocht, en dat hy foaral net l\u00e2ns in feart rinne moat. Dat kin ommers nuodlik w\u00eaze. \u00dbnderweis woe hy \u00fas fan alles sjen litte en oanwize. Sadwaande r\u00fbnen wy slingerjend it doarp troch. Ik fyn dat nijsgjirrich, sa komme jo nochris earne. Mar doe f\u00fbn Frou it moai west en brochten wy de b\u00easte man nei syn eigen h\u00fbs ta. <\/p>\n\n\n
Sels bin ik it paad nea bjuster. No ja, seldsum. Okkerdeis hie\u2019k mysels wol te pakken. Dat wie op in training foar myn soarte fan jachth\u00fbnen. Frou grapket wolris dat se mei my nei de \u2018Nimrod\u2019 wol. De Nimrod is in kriich foar h\u00fbnen dy\u2019t noch wat mear h\u00fbnsk binne as allinne mar in knyn of hazze foar de Kryst binnen bringe by de baas, s\u00fbnder dy te ferropjen. Dat freget in bulte training en geduld fan h\u00fbn \u00e9n baas! Wy reizgje wat op en del nei \u00fas ferneamde jachtoefenmasterin \u00fat Harich. Sy hie dy kear ek wer in t\u00fbk proefstik betocht. Ik moast wol in kertier sitte te wachtsjen, wylst sy en Frou troch it l\u00e2n omkr\u00fasten. Doe\u2019t se lang om let wer by my kamen, stjoerde Frou my faaljekant nei it oare ein fan dy stripe dan wer\u2019t sy r\u00fbn hiene. Ja, duhh, tocht ik. D\u00ear leit fansels neat; jimme binne d\u00ear ommers hielendal net west! Ik makke rjochtsomkeard nei de k\u00e2nt wer\u2019t sy omstr\u00fand hiene. Ik haw ek wol in kertier socht en dat hiele stik sigesaagjend \u00fatkjimd. \u00dbnderwylst hat Frou wol tsien kear roppen: \u201cAfke, A\u00e1fke!!!\u201d Ik wit wier myn namme wol, mar l\u00fastere net fansels. Oan\u2019t Frou my ophelle. Sy is nea lulk op my, mar it gesicht stie no wol \u00fbnhuer op \u00fbnwaar. As in doh\u00fbdich bern waard ik opbrocht, \u00fbnder spytgnyskjende oanmerkings fan Baas dat dit net bepaald Nimrodweardich gedrach wie. Frou besocht it nochris my nei de oare ein fan dy stripe te stjoeren. Dat haw ik doe mar kreas dien. En hja hiene my te fiter. No hie\u2019k samar de dummy dy\u2019t se d\u00ear blykber al folle earder dellein hiene… No ja, ik bin ek noch mar oardel jier \u00e2ld en lear noch eltse dei by dat l\u00fasterje ek in keunst is! <\/p>\n\n\n\n
No wer efkes werom nei \u00fas aventoer yn\u2019t tsjuster. It wie fier nei tsienen\ndy j\u00fbns dat ik mei Frou wer th\u00fas kaam. Baas wie al bot \u00fbnger\u00east: \u201cW\u00ear hawwe\njimme sa lang \u00fathongen? Binne jim by Dokkum om west of sa?\u201d No, dat wie in hiel\nferhaal. En dat beg\u00fbn sa: \u2018Ynienen stie de man foar \u00fas. Frou skrok d\u2019r suver\nfan…\u2019 <\/p>\n\n\n\n
Wreed foar him dat er dat it paad bjuster wie. Mar moai dochs dat wy de ferdwaalde man skewiele koene?<\/p>\n\n\n\n
\u00a9 Afke fan it Fryske Wetterl\u00e2n Desimber 2019<\/p>\n\n\n
Ynienen stie hy foar \u00fas. De man dy\u2019t wy wolris faker th\u00fasbrocht hawwe, om\u2019t hy syn eigen h\u00fbs net wer fine koe. Mar dat wie by ljochtskyndei; no wie\u2019t sa tsjuster as de nacht w\u00eaze kin. Frou skrok d\u2019r suver fan, ikke net fansels. Ik hie him allang yn\u2019e noas. Wy r\u00fbnen de slach om it plak wer\u2019t deade minsken … Lees verder \u00bb<\/a><\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_mi_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0,"footnotes":""},"categories":[12],"tags":[],"yoast_head":"\n