{"id":2363,"date":"2020-02-15T19:51:00","date_gmt":"2020-02-15T17:51:00","guid":{"rendered":"https:\/\/www.bistedokter.nl\/?p=2289"},"modified":"2023-01-05T19:59:13","modified_gmt":"2023-01-05T17:59:13","slug":"retoerke-ljouwert","status":"publish","type":"post","link":"https:\/\/bistedokter.nl\/retoerke-ljouwert\/","title":{"rendered":"Retoerke Ljouwert"},"content":{"rendered":"\n
S\u00fbnt rom in jier wennet Doede op in pleats by \u2018t spoar. Om de boerinne hie\u2019t net hoecht om\u2019t se benaud foar h\u00fbnen is; mar de bern woene it sa graach dat de boer \u00fateins mar belies j\u00fbn hat. Hy socht in boerestabij \u00fat s\u00fbnder stambeam; ientsje mei papieren f\u00fbn er te prizich. It like him skoan ta dat de boerehelp Doede mar it ien en oare bybringe moast om\u2019t syn h\u00fash\u00e2lding ek in h\u00fbn hat. Yn\u2019t begjin siet Doede meastentiids oan tou sadat er net fuortrinne koe. Mar geandewei krige er mear frijheid en sadwaande spaande hy al rillegau los om de pleats hinne. D\u2019r wennet ek in hynder op dy pleats. En dy Happe krige de skuld dat it mis gie. Tegearre geane de beide bisten wolris it fjild yn en op in kear kr\u00fasten se neist it paad nei it spoar ta om en sl\u00fbpte Doede troch in gat yn \u2018e hikke de spoardyk op. Fansels kaam d\u2019r krekt op dat momint in trein yn folle faasje oan. De treinmasinist seach lokkigerwize fan fierren hokker grut gefaar Doede r\u00fbn en brocht hoeden de trein ta stilst\u00e2n. S\u00fbnder omhaal liet de h\u00fbn liet him oanhelje en waard er troch de masinist meinaam yn syn kabine. Doe\u2019t se yn Ljouwert oankamen bedarre Doede yn\u2019t asyl oan it kealledykje. De boer wie yn alle staten. Hy krige net allinne in print fan de NS, it asyl moast ek betelle wurde foar de opfang. Ik kin hjir mar better net melde wat de boer \u00fatkreame hat wat de masinist dwaan moast at er Doede wer op it spoar oantreffe soe… <\/p>\n\n\n
Dat barde in pear wiken letter lokkich ek net. De boer seach lykwols it swurk al driuwen doe\u2019t de trein op \u2018e hichte fan de pleats opnij stoppe. Hy miste Doede fourtendaliks en prompt sette hy de sokken d\u2019r yn nei\u2019t spoar ta. Hy seach de konduktrise noch krekt mei de h\u00fbn omt\u00f4gjen en wonk wyld mei syn earmen. De masinist sette Doede yn syn kabine en die de doar ticht. Hy swaaide noch troch it r\u00fat werom wylst er de trein wer yn gong sette. Troch de toeter dy\u2019t d\u00earop folge fielde de boer him alderheislikst ferrivele. Mar hy betocht him gjin momint, stapte subyt yn syn auto en reesde nei de st\u00ead. Hast tagelyk mei de trein wie \u2018r op it stasjon. Wat him d\u00ear op dat stuit \u00f4fspiele hat? Kin ik allinne mar nei riede… Ienris th\u00fas bedarre Doede yn elts gefal wer oan tou. <\/p>\n\n\n
De jongste faam fan de boereh\u00fash\u00e2lding hat kunde yn \u2018t doarp oan in\nfamylje mei in alderaardichst h\u00fbntsje. In teefke. Doe\u2019t dy loopsk wie, waard\nd\u2019r in knappe reu by socht. De dochter moast daliks oan harren Doede tinke en\nfrege har heit wat dy d\u2019r fan tocht. It like de boer in skrander foarstel. Koe\nDoede ek ris wat kostjild ynbringe! No ynseminearret de boer syn eigen kij, mar\nfan de h\u00fbneseks wit er net rjocht it fijne. Sadwaande frege hy goede kunde of\ntrije minuten f\u00eastsitten fan de reu lang gen\u00f4ch wie foar in geve befruchting fan\nit teefke…<\/p>\n\n\n\n
Doe\u2019t de bistedokter de rook fan dit hiele relaas krige, frege dy him \u00f4f oft it wol in ferst\u00e2ndige set wie om Doede it swiet fan de biology fan de fuortplanting priuwe te litten. Ik haw nammentlik grutte noed dat Doede ynkoarten wer \u00fatpykt en op de trein nei Ljouwert hipt. Mar de boer moat dan net ferheard opsjen dat er de reu fan \u2018e Weaze opswylje kin.<\/p>\n\n\n\n
Febrewaris 2020 <\/p>\n","protected":false},"excerpt":{"rendered":"
S\u00fbnt rom in jier wennet Doede op in pleats by \u2018t spoar. Om de boerinne hie\u2019t net hoecht om\u2019t se benaud foar h\u00fbnen is; mar de bern woene it sa graach dat de boer \u00fateins mar belies j\u00fbn hat. Hy socht in boerestabij \u00fat s\u00fbnder stambeam; ientsje mei papieren f\u00fbn er te prizich. It like him skoan ta dat de … Lees verder \u00bb<\/a><\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_mi_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0,"footnotes":""},"categories":[10],"tags":[],"yoast_head":"\n