{"id":2464,"date":"2020-09-06T14:27:48","date_gmt":"2020-09-06T12:27:48","guid":{"rendered":"https:\/\/bistedokter.nl\/?p=2464"},"modified":"2023-01-14T20:09:52","modified_gmt":"2023-01-14T18:09:52","slug":"de-groede","status":"publish","type":"post","link":"https:\/\/bistedokter.nl\/de-groede\/","title":{"rendered":"De groede"},"content":{"rendered":"\n
By \u00fas yn \u2018e gong stiet in grutte antike mahoanjehouten t\u00fbfkast. De sintrale ferwaarming hat him sadanich \u00fatdroege dat er noadich ferlet fan restauraasje hie. Meubelrestaurateur Dirk fan Tribulet \u00fat Reduzum \u00fbntferme him oer it pronkstik. Sels it skeinde laach finear wist dizze keunstner sadanich op te meitsjen dat jo it amper mear sjen kinne. Dochs neamt Dirk dat ek by in kast \u2018in groede\u2019<\/em> as ferw\u00fbning fan de tiid.<\/p>\n\n\n Yn myn wurkpaad haw ik by mannich bist besocht groeden<\/em> te beheinen, mar se binne der \u00fbn\u00fbntkomber. Ik seach it as in \u00fatdaging in wrat fan in eachlid fuort te operearjen s\u00fbnder datsto dat sjen koest. D\u00eartsjinoer kinsto de w\u00fbne fan in keizersneed fan in ko altyd werom fine. Lokkigerwize groeit der by bisten hast altiten wer hier oerhinne…<\/p>\n\n\n\n Oft ik sels ek groeden haw? Dat falt \u00f4fgryslik ta, seker sjoen de noeden fan myn fak. Wit hoe faak bin ik biten of klaud troch lulke h\u00fbnen of bange katten. Groeden d\u00earfan binne amper te sjen. It grutste manko op dat m\u00ead is een k\u00fbltsje yn myn lofter boppeskonk. In merje trape my letterlik d\u00f4fh\u00fbdich \u00fbnhuerich nei, nei\u2019t ik har troch har f\u00f4le opskuorde bunt hecht hie. Wat die my dat sear! Mar at se tsien sintimeter leger mept hie, wie myn knibbel oan smots west. It is just op de knibbel fan myn oare skonk dat ik myn iennichst \u00fatwindich sichtbere groede haw. In kundich ortopeed hat my foarsjoen fan in nije rjochter knibbel en dat bis\u00fbnder kreas dien!<\/p>\n\n\n\n Ynwindich haw ik s\u00fbnt july fan dit jier in fjouwertal groeden oanbrocht krigen troch in Ljouwerter Kardiolooch yn myn lofter hertboezem. Om in ein te meitsjen oan de fersteuring fan it ritme fan myn rikketik. Dat like tige goed slagge: binnen twa wike wie \u2018k al wer drok oan \u2018t wurk! Lykwols warsk\u00f4gen myn \u2018hoedingel\u2019 en myn hert my dat dat net ferst\u00e2nnich wie…<\/p>\n\n\n\n Ik sil it bistedokterjen ferskuorend misse. It heucht my noch dat haadmaster Piter fan De Trije Doarpenskoalle yn Reduzum in rede hold by syn \u00f4fskied en dat it op dat momint foar him fielde as \u2018in lyts bytsje deagean\u2019. Ik wie d\u00earby as foarsitter fan de \u00e2lderried en miende him ferbetterje te moatten: \u201cMear in amputaasje, tinkt my.\u201d No\u2018t ik yn in lyksoartige sitewaasje bin, wol ik besykje derfoar te soargjen dat gjin fan beiden op my fan tapassing w\u00eaze sil. Ik haw ommers in grut ferskaat oan leafhawwerij wer\u2019t ik earder te min oan ta kaam. Mei in bulte nocht moat dy yn steat w\u00eaze sels groeden op myn siel te behinderjen! <\/p>\n\n\n\n Freek de Jonge frege him ea sjongend \u00f4f oft der \u2018libben nei de dea is\u2019. Persoanlik tink ik fan net. Mar ik bin der wis fan dat der in libben nei myn bestean as bistedokter is. En ik hoopje dat it my tegearre mei Lia noch in hiel skoft gund is.<\/p>\n\n\n\n \u00a9 Septimber 2020<\/p>\n\n\n <\/p>\n","protected":false},"excerpt":{"rendered":" By \u00fas yn \u2018e gong stiet in grutte antike mahoanjehouten t\u00fbfkast. De sintrale ferwaarming hat him sadanich \u00fatdroege dat er noadich ferlet fan restauraasje hie. Meubelrestaurateur Dirk fan Tribulet \u00fat Reduzum \u00fbntferme him oer it pronkstik. Sels it skeinde laach finear wist dizze keunstner sadanich op te meitsjen dat jo it amper mear sjen kinne. Dochs neamt Dirk dat ek … Lees verder \u00bb<\/a><\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_mi_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0,"footnotes":""},"categories":[10],"tags":[],"yoast_head":"\n<\/figure><\/div>\n\n
<\/figure><\/div>\n\n\n