{"id":2721,"date":"2021-11-24T20:50:33","date_gmt":"2021-11-24T18:50:33","guid":{"rendered":"https:\/\/bistedokter.nl\/?p=2721"},"modified":"2023-01-23T17:41:48","modified_gmt":"2023-01-23T15:41:48","slug":"yn-e-prizen","status":"publish","type":"post","link":"https:\/\/bistedokter.nl\/yn-e-prizen\/","title":{"rendered":"‘Yn \u2018e prizen’"},"content":{"rendered":"\n
Frou reizget wat \u00f4f mei my! Koartlyn wiene wy wer withoefier op \u2018e flutter. Op syn minsten twa oeren riden. Moat ik al om healwei fiven yn stikneare nacht \u00fat myn waarme n\u00east wei komme om mei Baas de dyk \u00fat te pisjen en te poepen. Dan gau ite en hupsakee efteryn de wein. Wat wol noflik wie, in oare h\u00fbnemaat wie ek mei. Koe \u2019k \u00fbnderweis lekker deun knuffeltsje-buffeltsje mei yn de kofferbak lizze. Mei \u2019k stomme graach oer, al wraf ik dat sels. It wie noch hieltyd skimertsjuster doe\u2019t wy earne op in fjildsje yn \u2019t bosk \u00fat \u2018e auto sprongen. D\u00ear wiene withoefolle soartgenoaten. Mei in grut ferskaat: swarte, br\u00fane, giele en sels krolhier Labkes. Wat in aksje! Ik haw my ferskuorrend fernuvere en in hiele bult nije kunde byinoar begn\u00fafke. Mar wat ek in b\u00fbnt selskip oan baaskes! Wat heite? En dy dogge neat oars as meielkoar babbelje en rabbelje…<\/p>\n\n\n
Nei net te tellen bakjes kofje foar al dy lju gie it los yn lytse ridels. R\u00fbnom op dat terrein wiene proefstikken \u00fatsetten. Sels beg\u00fbn ik mei in lang apport troch it wetter en in twadden ien blyn oer de w\u00e2l efter de reiden. Skytgemaklik, kreas troch de moarnsdize by Frou yn \u2018e h\u00e2n brocht fansels! D\u00earnei twa lange markeerapporten yn in wiet en dreech stoppelfjield. Ek gjin inkeld probleem. Domwei hierskerpe eachjes. Doe twa dummy\u2019s ophelje nei los opstappe mei Frou yn \u2018t fjild, tagelyk mei noch in oare h\u00fbn. En \u00fbnderwylst waarden wy om en om fuortstjoerd en \u00fbnderweis \u00f4flaat mei sjitterij. Hiel nijsgjirrich! Hie \u2019k nea earder dien. Gong ek super omt ik lykwichtich bin. Sa moast ik fiif proefstikken dwaan. Ik haw alle tsien dummy\u2019s f\u00fbn en kreas by Frou opbrocht.<\/p>\n\n\n
Doe moasten wy as h\u00fbnen skoften wachtsje en eamelerij oanhearre fan al dat h\u00fbnefolk. Hoe\u2019t der oer \u00fas swetst wurdt! De jachtbazen mei de meast \u00fatwrytske weinen binne faaks de grutste opsnijers. Mar de froubaaskes mei fan dy nijmoadrige, piperige learskes kinne it ek, hear. Ynienen waard it m\u00fbskestil en naam de grutte Baas fan dy dei it wurd. Nei in wiidwreidich tankwurd foar alle h\u00e2ntaasters en karmasters waarden de b\u00easte trije spantjes yn \u2019t hjerstsintsje setten. Mocht ik samar mei Frou opdrave foar de twadde priis! Sij krige in stik hout en in grut plakkaat; sels hie \u2019k folle mear niget oan de sek brokjes dy\u2019t foar my ornearre wiene. Frou liet suver in trientsje fan emoasje, mar wat wie se \u00fatwrydsk grutsk!<\/p>\n\n\n
No\u2019t ik yn soksoarte fan wedstriden boppe driuwen kom, miene Frou & Baas mei my \u2018fokke\u2019 te moatten. Sy hawwe in stoere maat opsneupt dy\u2019t ek in stjer yn \u2018t opbringen is. Ik haw \u2018Sven\u2019 okkerdeis al ris troffen. Poe, wat in linige, swarte w\u00e2ldrikel! No bin ik pas oprjocht yn \u2018e prizen…<\/p>\n\n\n\n
Novimber 2021<\/p>\n","protected":false},"excerpt":{"rendered":"
Frou reizget wat \u00f4f mei my! Koartlyn wiene wy wer withoefier op \u2018e flutter. Op syn minsten twa oeren riden. Moat ik al om healwei fiven yn stikneare nacht \u00fat myn waarme n\u00east wei komme om mei Baas de dyk \u00fat te pisjen en te poepen. Dan gau ite en hupsakee efteryn de wein. Wat wol noflik wie, in oare … Lees verder \u00bb<\/a><\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_mi_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0,"footnotes":""},"categories":[12],"tags":[],"yoast_head":"\n