{"id":2858,"date":"2022-03-10T15:41:33","date_gmt":"2022-03-10T13:41:33","guid":{"rendered":"https:\/\/bistedokter.nl\/?p=2858"},"modified":"2023-01-23T18:51:24","modified_gmt":"2023-01-23T16:51:24","slug":"de-nachtmerje-fan-afke","status":"publish","type":"post","link":"https:\/\/bistedokter.nl\/de-nachtmerje-fan-afke\/","title":{"rendered":"De nachtmerje fan Afke"},"content":{"rendered":"\n
\u2018Och mokkeltsje, dreamsto al fan dy hetsige w\u00e2ldrikel?\u2019, en wylst waard ik oer myn lyfke tyske. Ferheard skrok ik wekker en seach ik \u00fat myn koer wei Baas rjocht yn \u2018e eagen. \u2018Of gie it dochs wer oer haskes?\u2019, liet hy derop folgje. No nee, hy moast ris witte hokker nachtmerje ik hie! Hyltyd wer oer dat spul begjinne, blaf my der net fan! Fan \u2018e middei lykwols noch. Baas liet my oer de dyk \u00fat en yn \u2018t l\u00e2n fan de buorman fleagen twa hazzen efter elkoar oan en dat draaide \u00fat op joeien. \u2018No moatst efkes goed sjen, Afke!\u2019, siet Baas my op te stoken. No haw ik altyd niget oan dy hurddravers, mar sok \u00f4fwaaid praat hy ik net fan him ferwachte! Hawar, ik bin al twa wike sa loopsk as in teef, mar d\u00ear rin ik absl\u00fat net mei te keap. Ik floei fansels, mar dat is lykwols hiel behindich. Boppedat behimmelje ik mysels goed mei de beklape sadat se mar amper wat yn \u2018e h\u00fbs fine. Dochs wiene Frou en Baas der wol g\u00e2ns op fiksearre. Sy wolle stomme graach pupkes by my. No haw ik my sels ek wolris \u00fatere oer \u2018pykjes\u2019 te prakkesearjen, mar \u2018k seach noch wol wat apen en bearen op it paad d\u00earhinne. Hoe yn de goedichheid moat soks? No, dy l\u00easte nachtmerje hat my wol goed \u00fat myn \u2018dream\u2019 weihelle…<\/p>\n\n\n
\n<\/figure><\/div>\n\n\n
Frou en Baas hawwe al hiel wat mei my \u00fatheefd. Hja hiene my yn allerhande bochten \u00fbnder in grut kabaalapparaat lein foar \u2018bonkerakplaatsjes\u2019 sa\u2019t sy dat neamden. En eartiids bin ik ek by de eachjedokter west foar \u00fbndersiken en Baas hat de ier yn myn foarpoat benei lek prikt om te sjen oft ik wol s\u00fbn bin. Fansels bin ik dat! En de \u00f4fr\u00fbne wike hiene se al trije kear wer bloed prikt om te sjen hokker momint ik it b\u00easte nei dy \u2018w\u00e2ldrikel\u2019 ta koe. Ik wie der wol klear mei…<\/p>\n\n\n\n
En op dy bewuste j\u00fbn wie \u2018t blykber safier. Dus ik mei yn harren wein en meielkoar op nei Sven. Wie \u2018k al pear kear mei yn \u2018e kunde west by tiden fan jachttrainings en ik moat blaffe dat ik dy linige apporteur bot graach lije mei. Dit kear giene wy lykwols net nei \u2018t bosk ta, mar gewoan by him th\u00fas yn \u2018e t\u00fan. No, om in wiidwreidich ferhaal koart te meitsjen: wy hawwe oardel oere meielkoar omgisele en boarte, mar ik haw him net op myn kr\u00fas talitten. Nei withoefolle bakjes kofje sei Baas dat it moai west wie en setten wy wer \u00f4f op nei h\u00fbs ta. \u2018Moarn nochris besykje?\u2019, hearde ik by de efterdoar freegjen. No, sa.<\/p>\n\n\n\n
Dy oare deis wy d\u00ear nochris hinne. Earst mochten Sven en ik wer in pypfol omtyskje, mar doe hat Baas my goed tasprutsen en beg\u00fbn hy my mei beet te h\u00e2lden. No, dat fleach my suver oan! En doe\u2019t ik \u00fateinlik fielde dat myn frutsel beroerd waard, haw ik in pear \u00f4fgryslike gjalpen j\u00fbn. Ik haw wrachtich g\u00fbld as in lyts wolfke! \u2018Dit wurdt neat en sa moatte wy net wolle\u2019, hearde ik sizzen. Myn leave santjin, wat begrutte it my foar dy w\u00e2ldrikel! Hy stie der alder\u00f4fgryslikste helpleas by, dy siel. It lei \u2018m ek wier net oan him. Mar wat wie ik bliid dat ik wer mei yn \u2018e wein nei h\u00fbs ta mocht…<\/p>\n\n\n\n
Der is wat \u00f4f eamele nei dy tiid. En Frou hat ek wier wol in trientsje litten. Mar ik hearde Frou en Baas tsjin inoar sizzen dat se de lju mar rabbelje litte moasten. En dat se grutsk op harren lytse wyfke binne en bleaunen. \u2018In h\u00fbn heart baas oer har eigen lyfke te w\u00eazen.\u2019 No, better hie \u2018k sels soks net blaffe kind!<\/p>\n\n\n\n
Dy nacht kamen yn myn dreamen opnij piken \u00fat dy einek\u00fbr foar \u2018t ljocht. En seach ik dy jerke him wer oan dat eintsje fergripen. Doe wist ik dat ik it by eintsjebesl\u00fat by de rjochte ein hie.<\/p>\n\n\n\n
Oan de oare kant, ik kin wer lekker mei Frou te trainen. En dat doch ik it alderleafst! Boppedat wit Frou no dat se my net mear mei alle fjouwer poatsjes fan de gr\u00fbn hoecht op te tillen at ik loopsk bin en d\u2019r komt hommels in rikel op my \u00f4f stowen…<\/p>\n\n\n\n
![\"\"](\"https:\/\/bistedokter.nl\/wp-content\/uploads\/IMG_20220307_191802-1024x759.jpg\")
<\/figure><\/div>\n\n\n![\"\"](\"https:\/\/bistedokter.nl\/wp-content\/uploads\/Training-Beetsterzwaag-035-683x1024.jpg\")
<\/figure><\/div>","protected":false},"excerpt":{"rendered":"