{"id":831,"date":"2003-11-15T18:27:23","date_gmt":"2003-11-15T16:27:23","guid":{"rendered":"https:\/\/wordpress-93166-1056199.cloudwaysapps.com\/?p=831"},"modified":"2019-12-09T12:55:20","modified_gmt":"2019-12-09T10:55:20","slug":"nuvere-betinksels","status":"publish","type":"post","link":"https:\/\/bistedokter.nl\/nuvere-betinksels\/","title":{"rendered":"Nuvere betinksels"},"content":{"rendered":"
Yn gedachten sjoch ik \u00fas haadmaster Piter j\u00fbns let syn frou by in slokje op \u2018e hichte bringen fan wat der op \u2018e gearkomste fan de \u00e2lderried bard wie. \u201cMoatst no dochs ris hearre!\u201d Ik hear it him sizzen. Wat it gefal wie? Ik hie dy middeis in putsje by de ein h\u00e2n, w\u00earby ik ynienen in nuvere assosjaasje krige. Ik moast tinke oan dat reklamespotsje (\u2018even Apeldoorn bellen<\/a>\u2019) oer presidint Clinton en dy man mei dy voodoo-pop yn dat museum. Dyselde j\u00fbns skeat my dat \u00fbnder de gearkomste wer yn \u2019t sin. Ik koe it net litte om fan master Piter yn \u2018e r\u00fbnfraach te fernimmen hoe\u2019t it mei him gong. Earder op \u2018e j\u00fbn hie ik al murken dat it him yn \u2018e r\u00each skeat. Hy seach my ferheard oan. \u201cW\u00ear soe er no dochs op doele?\u201d, seach ik him tinken. \u201cNo, ik woe graach witte of jo jo fan \u2018e middei ek wat oars as oars field hawwe\u201d, sei ik. \u201cNo nee, ik fiel my poerb\u00east\u201d, andere hy. \u201cWier net?\u201d, frege ik. \u201cIn bytsje pine yn \u2018e holle, fierder net.\u201d Gelokkich mar. Ik hie nammentlik syn namgenoat, Piter, \u00fbnder \u2018t mes h\u00e2n. \u00das Jetse hat in knyn, in raam, en dy hat er nei master ferneamd. En d\u00ear moast eins in Loekie by, mar wy wolle gjin jongen hawwe. Kastraasje wie de koartste klap. Master seach my ris oan nei myn relaas en luts syn wynbrauwen op. Yn de hilariteit dy\u2019t d\u00earop folge, kaam der noch in nuver ferhaal los fan in Frienzer mem. Sy siet midden yn \u2018e nacht op it h\u00faske en in m\u00fbs r\u00fbn har om \u2018e bleate fuotten. Yn panyk stode se wer op b\u00ead. Se waard ferbjustere troch de opmerking fan har man dat \u2018har poes\u2019 de sliep blykber ek net \u00fat hie. En hy draaide him wer om…<\/p>\n In wike letter kaam myn kollega \u00fat Idaerd moarns gnyskjend op \u2018e praktyk mei de fraach: \u201cDoe jij voodoo op meester Piter?\u201d Wat wie it gefal? Master Piter hie de j\u00fbns d\u00earfoar by harren op h\u00fasbesite op \u2018e tekst west. No nee, ik haw him \u00fatlein dat it alline mar nuvere tinzen fan my wiene. Mar ik hie wol yn \u2018e rekken dat dit ferhaal r\u00fbnsjongen gean soe. It like my better om de wiere tadracht mar efkes te publisearjen om misbegryp foar te w\u00eazen. Sadwaande, dus.<\/p>\n Ferline wike hawwe wy dan \u2018Loekie\u2019 by in boer \u00fat Fl\u00e2nsum weihelle.\u00a0 Se moast earst efkes wenne, mar dat duorre net lang. It taferieltsje dat him d\u00earnei \u00f4fspile: eltse oerienkomst mei de namgenoaten ber\u00east op suver tafal! As master Piter en syn frou j\u00fbns foar de kachel dit yn Linepraat (\u00fas doarpskrante) l\u00eaze, tink ik dat sy skodholje. En se hawwe gelyk, de earstkommende \u00e2lderried-gearkomste heart s\u00fbnder dit soarte fan nuvere betinksels te ferrinnen!<\/p>\n Novimber 2003, ik wie doe \u00e2lderriedslid fan de Trije Doarpenskoalle yn Reduzum.<\/p>\n <\/p>\n","protected":false},"excerpt":{"rendered":" Yn gedachten sjoch ik \u00fas haadmaster Piter j\u00fbns let syn frou by in slokje op \u2018e hichte bringen fan wat der op \u2018e gearkomste fan de \u00e2lderried bard wie. \u201cMoatst no dochs ris hearre!\u201d Ik hear it him sizzen. Wat it gefal wie? Ik hie dy middeis in putsje by de ein h\u00e2n, w\u00earby ik ynienen in nuvere assosjaasje krige. … Lees verder \u00bb<\/a><\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_mi_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0,"footnotes":""},"categories":[10],"tags":[],"yoast_head":"\n<\/a>Piter mei syn Loekie<\/em><\/p>\n